پنجاب کی انجینئرنگ یونیورسٹیز کے انٹری ٹیسٹ ECAT کیلئے رجسٹریشن کی آخری تاریخ آن پہنچی
صوبہ پنجاب کی انجینئرنگ یونیورسٹیز میں داخلے کے لئے منعقد کئے جانے والے انٹری ٹیسٹ ECAT کے لئے رجسٹریشن کی آخری تاریخ یکم جون 2020ء بروز پیر ہے ۔ رجسٹریشن کے لئے طلبہ و طالبات کو حبیب بنک کی نامزد برانچز سے 1200 روپے میں ٹوکن حاصل کرنا ہو گا ۔ ٹوکن کی مدد سے سٹوڈنٹ خود کو آن لائن رجسٹر کرائے گا ۔ ہر سٹوڈنٹ کو آن لائن ایڈمٹ کارڈ جاری کیا جائے گا جس کا سٹوڈنٹ پرنٹ آؤٹ حاصل کرے گا ۔
ٹیسٹ میں شرکت کرنے والے تمام سٹوڈنٹس کے لئے 6 اور 7 جون 2020ء کو ایک فرضی ٹیسٹ Mock Test کا انعقاد کیا جائے گا تاکہ سٹوڈنٹس کمپیوٹر پر انٹری ٹیسٹ دینے کی عملی تربیت حاصل کر سکیں ۔ اصل انٹری ٹیسٹ 13 اور 14 جون 2020ء کو منعقد کیا جائے گا جب کہ رزلٹ کا اعلان 15 جون 2020ء کو رات 12 بجے کیا جائے گا ۔
عزیز طلبہ و طالبات آن لائن رجسٹریشن ، انٹری ٹیسٹ کے قواعد و ضوابط اور حبیب بنک کی نامزد برانچز کی فہرست کے لئے لنک یہ ہے
https://admission.uet.edu.pk/Modules/EntryTest/Default.aspx
انٹری ٹیسٹ میں شرکت کرنے والے تمام طلبہ و طالبات کے لئے ہماری جانب سے نیک تمناؤں کا پیغام
