پاکستان اور سوڈان کے درمیان سرکاری و سفارتی پاسپورٹس پر ویز کے بغیر سفری سہولت کا معاہدہ

پاکستان اور سوڈان کے درمیان سرکاری اور سفارتی پاسپورٹس پر ویزے کے بغیر داخلے کی سہولت کا معاہدہ طے پا گیا ہے۔

وزیر داخلہ محسن نقوی اور سوڈان کے وزیر داخلہ، لیفٹیننٹ جنرل بابکر سمرہ مصطفیٰ علی نے اسلام آباد میں معاہدے پر دستخط کیے۔

معاہدے کے تحت پاکستان اور سوڈان کے سرکاری اور سفارتی پاسپورٹس رکھنے والوں کو ویزہ فری انٹری کی سہولت حاصل ہوگی۔

اس موقع پر گفتگو کرتے ہوئے محسن نقوی نے کہا کہ یہ معاہدہ پاکستان اور سوڈان کے دوطرفہ تعلقات میں ایک اہم سنگ میل ہے۔

سوڈانی وزیر داخلہ نے کہا کہ معاہدے سے پاکستان اور سوڈان کے درمیان دوستانہ تعلقات اور ادارہ جاتی تعاون کو مزید فروغ ملے گا۔