بسم اللہ الرحمن الرحیم

قومی

جعفر ایکسپریس کی تین بوگیاں پٹڑی سے اتر گئیں

کوئٹہ سے پشاور جانے والی ٹرین نمبر 39 اپ جعفر ایکسپریس کی تین بوگیاں پٹڑی سے اتر گئیں ۔ یہ حادثہ سکھر کے قریب شکار پور ریلوے سٹیشن پر پیش آیا ۔ خوش قسمتی سے کوئی جانی نقصان نہیں ہوا ۔ متاثرہ بوگیوں کے مسافروں کو دوسری بوگیوں میں منتقل کرنے کے بعد ٹرین کو منزل کی جانب روانہ کر دیا گیا ہے ۔

یاد رہے کہ جعفر ایکسپریس پاکستان کی واحد ٹرین ہے جو چاروں صوبوں سے گزرتی ہے ۔ بلوچستان کے دارالحکومت کوئٹہ سے روانہ ہو کر سبی سے ہوتی ہوئی صوبہ سندھ میں داخل ہوتی ہے ۔ جیکب آباد، سکھر، روہڑی سے گزرنے کے بعد یہ صوبہ پنجاب کے شہر رحیم یار خان پہنچتی ہے ۔ اس کے بعد بہاولپور، ملتان، ساہیوال، لاہور، گوجرانوالہ، جہلم، راولپنڈی اور اٹک سے گزرنے کے بعد صوبہ خیبر پختون خواہ میں نوشہرہ سے ہوتے ہوئے صوبائی دارالحکومت پشاور پہنچتی ہے ۔

یہ بھی پڑھیے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button