احولیات کی بحالی، ماحول دوست توانائی کے فروغ کیلئے حکومت نے مختلف اقدامات کئے، وزیراعظم
کرہ ارض کا عالمی دن آج منایا جا رہا ہے۔اس سال دن کا موضوع ہے ہماری طاقت، ہمارا سیارہ ۔یہ موضوع کرہ ارض کی حفاظت اور ماحولیاتی تحفظ کے لئے اجتماعی کوششوں کی اہمیت کو اجاگر کرتا ہے۔
کرہ ارض کے عالمی دن کے موقع پر اپنے پیغام میں انہو ں نے کہاکہ ہمیں وسائل کومحفوظ رکھنے اورپائیدارطرز زندگی اختیار کرنے کی مشترکہ ذمہ داری کے بارے میں شعوراجاگر کرتے ہوئے اپنے سیارے کی حفاظت کرنی چاہئے۔
وزیراعظم نے کہا کہ زہریلی گیس کے اخراج میں پاکستان کا کم ترین حصہ ہے لیکن ماحولیاتی تبدیلی کے مضراثرات سے بری طرح متاثرہ ملکوں میں اس کاپانچواں نمبر ہے۔
شہبازشریف نے کہا کہ ماحولیات کی بحالی، ماحول دوست توانائی کے فروغ اور انسانی زندگی کے تحفظ کے لئے حکومت نے مختلف اقدامات کئے ہیں جن میں صاف ہوا کی قومی پالیسی، پلاسٹکس کے استعمال کی ممانعت کے قوانین اور ماحولیاتی تبدیلی کے مضراثرات کی روک تھام کا قومی منصوبہ شامل ہے۔
