کراچی میں شدید بارشیں،سیلابی ریلا موٹروے ایم ون پر آگیا،گڈاپ میں پانی گھروں میں داخل

شدید بارشوں سے سیلابی ریلا موٹر وے ایم نائن پر بھی  آگیا۔کراچی سےحیدرآباد جانے والے ایک ٹریک پر سیلابی پانی کی سطح کم ہو گئی تاہم ٹریفک کی روانی متاثر  ہوئی۔

اس کے علاوہ حیدرآباد سے کراچی آنے والا ٹریک کلیئر ہے اور اسی پر دوطرفہ ٹریفک چلایا جارہا ہے۔دوسری جانب ٹول پلازہ دنبہ گوٹھ کے پاس گاڑی نالے میں گرگئی جس میں 2 افراد سوار تھے۔

ریسکیو ذرائع کے مطابق ایک شخص کو گاڑی سے نکال لیا گیا اور دوسرے شخص کی تلاش کے لیے ریسکیو آپریشن جاری ہے۔ادھر  گڈاپ میں سیلابی ریلے کا پانی گھروں میں داخل ہو گیا۔