قوموں کی تعمیر و ترقی میں تعلیم کا کردار کلیدی اہمیت کا حامل ہوتا ہے، ملک اورنگزیب کھیمٹہ

خوشاب (راجہ نورالہی عاطف سے) ضلع خوشاب کی نامور شخصیت، جنرل منیجر فوجی فرٹیلائزر گوجرانوالہ ڈویژن ملک اورنگزیب کھیمٹہ نے کہا ہے کہ قوموں کی تعمیر و ترقی میں تعلیم کا کردار کلیدی اہمیت کا حامل ہوتا ہے ۔ ان خیالات کا اظہار انہوں نے جوہرآباد میں میڈیا خصوصی گفتگو کرتے ہوئے کیا ۔ چیئرمین ڈسٹرکٹ پریس کلب جوہرآباد ملک محمد حیات اعوان اور سوشل ورکر ملک عظمت اعوان بھی اس موقع پر موجود تھے ۔ انہوں نے کہا کہ علم و ہنر کی دولت سے مالا مال اقوام ہی عالمی سطح پر ممتاز مقام حاصل کرتی ہیں ۔ ہمیں چاہیے کہ اپنی نوجوان نسل کو زیور تعلیم سے آراستہ کرنے کے لیے اپنا اہم کردار ادا کریں ۔ ملک اورنگزیب کھیمٹہ نے کہا کہ اللہ تعالی ا کے فضل و کرم سے ضلع خوشاب کے دیگر علاقوں کے ساتھ ساتھ تحصیل نور پور تھل میں بھی شرح خواندگی میں روز افزوں اضافہ ہو رہا ہے ۔ اس حوالے سے سرکاری اور نجی تعلیمی اداروں کا کردار قابل تعریف ہے ۔ انہوں نے کہا کہ علاقہ تھل میں تعلیمی میدان میں نوجوان نسل میں جذبہ ء مسابقت کا فروغ یہاں کی تعمیرو ترقی کے لیے نیک شگون ہے ۔ ملک اورنگزیب کھیمٹہ نے کہا کہ اللہ تعالیٰ نے تھل کی مٹی بڑی زرخیز بنائی ہے ۔ اس علاقے سے تعلق رکھنے والے نوجوانوں نے ہر میدان میں اپنی صلاحیتوں کا لوہا منوایا ہے ۔ آج اللہ کے فضل و کرم سے تحصیل نورپورتھل سے تعلق رکھنے والے کئ ایک نامور سپوت عالمی سطح پر ملک و قوم کے لئے سرمایہ ءافتخار ثابت ہو رہے ہیں ۔ انہوں نے کہا کہ انشاءاللہ مستقبل قریب میں تھل کے نوجوان اعلی ا خداداد صلاحیتوں کو بروئے کار لاتے ہوئے مختلف شعبوں میں مزید شاندار کامیابیوں سے ہمکنار ہو کر اپنے علاقہ اور والدین کے لئے قابل فخر سپوت ثابت ہوں گے ۔