بسم اللہ الرحمن الرحیم

جموں و کشمیر

وزیراعظم شہباز شریف کا دورۂ آزاد کشمیر، رتھوعہ ہریام پل کا افتتاح

وزیراعظم محمد شہباز شریف نے آج آزاد جموں و کشمیر کے دورے کے دوران نومنتعمیر رتھوعہ ہریام پل کا افتتاح کر دیا۔

وزیراعظم نے مظفرآباد میں منعقدہ ایک تقریب کے دوران افتتاحی تختی کی نقاب کشائی کرکے پل کا باقاعدہ افتتاح کیا۔

تقریب میں پاکستان مسلم لیگ (ن) کے صدر محمد نواز شریف، وزیراعلیٰ پنجاب مریم نواز، صدر آزاد جموں و کشمیر ڈاکٹر محمد نجیب نقی اور وزیراعظم آزاد کشمیر سید افتخار علی گیلانی بھی موجود تھے۔

اس موقع پر خطاب کرتے ہوئے مسلم لیگ (ن) کے صدر محمد نواز شریف نے رتھوعہ ہریام پل سمیت اہم ترقیاتی منصوبوں کی تکمیل اور آزاد جموں و کشمیر کے عوام کی ترقی، خوشحالی اور فلاح و بہبود کے لیے مزید اقدامات کرنے کے عزم کا اعادہ کیا۔

انہوں نے کہا کہ اس منصوبے سے مقامی آبادی کو آمدورفت کی بہتر سہولیات میسر آئیں گی جبکہ علاقے میں تجارتی اور معاشی سرگرمیوں کو بھی فروغ ملے گا۔

وزیراعظم شہباز شریف نے اپنے خطاب میں کہا کہ رتھوعہ ہریام پل کی تکمیل خطے کی ترقی اور خوشحالی کی جانب ایک اہم سنگ میل ہے۔

انہوں نے کہا کہ اس پل کی تعمیر سے میرپور اور اس سے ملحقہ علاقوں کے درمیان رابطے مزید بہتر ہوں گے اور عوام کو آمدورفت میں سہولت حاصل ہوگی۔

وزیراعظم نے آزاد جموں و کشمیر کی ترقی، خوشحالی اور عوام کو بہتر سہولیات کی فراہمی کے لیے وفاقی حکومت کے عزم کا اعادہ بھی کیا۔

یہ بھی پڑھیے

Back to top button