پولیس کا چوہدری پرویز الہٰی کے گھر چھاپا، خواتین اور بچوں کو باہر نکال کر گھر کی تلاشی

پولیس کا چوہدری پرویز الہٰی کے گھر چھاپا، خواتین اور بچوں کو باہر نکال کر گھر کی تلاشی لی گئی۔پولیس ذرائع کے مطابق پولیس کو کچھ دستاویزات درکار تھیں جن کیلئے چھاپا مارا گیا۔

مونس الہٰی کا کہنا ہے کہ پرسوں کی ناکام کارروائی کے بعد پنجاب پولیس نے دوبارہ وارنٹ کے بغیر گھر پر چھاپا مارا، آج بھی ان کو خالو طاہر صادق نہیں ملے۔مونس الہٰی کا کہنا تھا کہ گھر پر صرف خواتین تھیں، پنجاب پولیس پی ٹی آئی کے لوگوں کو ہراساں کرنے کے بجائے جرائم کے خاتمے پر دھیان دے۔خیال رہے کہ سابق وزیراعلیٰ پنجاب پرویز الہٰی اینٹی کرپشن کے مقدمے میں جیل میں ہیں۔