ویمنز کرکٹ ورلڈ کپ 2022ء کے شیڈول کا اعلان

انٹرنیشنل کرکٹ کونسل (آئی سی سی) کی جانب سے ویمنز کرکٹ ورلڈ کپ 2022ء کے شیڈول کا اعلان کر دیا گیا۔

شیڈول کے مطابق ویمنز کرکٹ ورلڈ کپ آئندہ برس 4 مارچ سے نیوزی لینڈ میں کھیلا جائے گا۔

ویمنز کرکٹ ورلڈ کپ 2022ء کا افتتاحی میچ میزبان نیوزی لینڈ اور ویسٹ انڈیز کی ٹیموں کے درمیان ہو گا۔

5 مارچ کو انگلینڈ اور آسٹریلیا کی ٹیموں کے درمیان میچ ہو گا، جبکہ پاکستان اور بھارت کی ٹیموں کے درمیان میچ 6 مارچ کو کھیلا جائے گا۔

ویمنز کرکٹ ورلڈ کپ کے سیمی فائنلز 30 اور 31 مارچ جبکہ فائنل 3 اپریل کو ہو گا۔