بھارت کے ناجائز قبضے کیخلاف دنیا بھر میں کشمیری کا یوم سیاہ

لائن آف کنٹرول کے دونوں اطراف اور پاکستان سمیت دنیا بھر میں مقیم کشمیری بھارت کے ناجائز قبضے کے خلاف آج یوم سیاہ منا رہے ہیں۔

یوم سیاہ کے موقع پر مقبوضہ وادی میں مکمل ہڑتال ہے اور بھارت کے غیر قانونی قبضے کے خلاف احتجاجی مظاہرے بھی کیے جا رہے ہیں۔

صدر عارف علوی نے یوم سیاہ پر پیغام میں کہاکہ 27 اکتوبر 1947 کو بھارت نے جموں و کشمیر پر غیر قانونی طور پر قبضہ کیا، 7 دہائیوں میں بھارت نے کشمیری عوام کو بدترین ریاستی دہشت گردی کا نشانہ بنایا مگر اس کے باوجود کشمیریوں کا عزم متزلزل نہیں ہوا۔

صدر پاکستان کا مزید کہنا تھا کہ عالمی برادری مقبوضہ کشمیر میں انسانی حقوق کی خلاف ورزیوں پر بھارت کو جوابدہ ٹھہرائے۔