مجھے سنٹرل کنٹریکٹ نہیں چاہئے، کسی نوجوان کودیکر اس کا بھلا کریں، محمد عامر

فاسٹ بولر محمد عامر  نے  پاکستان کرکٹ بورڈ کا ڈومیسٹک کرکٹ کنٹریکٹ نہ لینے کا فیصلہ کیا ہے۔

پاکستان کرکٹ بورڈ نے ڈومیسٹک کرکٹ کے سینٹرل کنٹریکٹ کا اعلان کیا ہے جس میں جہاں کئی سینئر کرکٹرز کے نام شامل نہیں وہاں محمد عامر کو سینٹرل کنٹریکٹ میں شامل کیا گیا ہے جو انٹر نیشنل کرکٹ کے لیے دستیاب ہی نہیں ہیں۔

محمد عامر کا کہنا ہے کہ پی سی بی نے بغیر پوچھے ڈومیسٹک سینٹرل کنٹریکٹ میں شامل کیا ہے، مجھے تو اب پتا چلا میرا نام لسٹ میں شامل ہے،  پی سی بی کا ڈومیسٹک کنٹریکٹ نہیں لوں گا،  بورڈ میری جگہ جونیئر کھلاڑیوں کو کنٹریکٹ دے، میں تو انٹرنیشنل بھی نہیں کھیل رہا، نوجوان کرکٹر کا بھلا کریں۔