نیشنل ٹی ٹوئنٹی کپ : کراچی بلوز نے لاڑکانہ کو 10 و کٹوں سے ہرادیا

نیشنل ٹی ٹوئنٹی کپ کے چوتھے میچ میں کراچی بلوز نے اپنے اوپنرز عبداللہ فضل اور جہانزیب سلطان کی جارحانہ نصف سنچریوں کی بدولت لاڑکانہ کو 10 وکٹوں سے شکست دے دی۔

اقبال اسٹیڈیم میں ہفتے کی شب کھیلے گئے گروپ اے کے اس میچ میں لاڑکانہ نے ٹاس جیت کر پہلے بیٹنگ کی اور20 اوورز میں7 وکٹوں کے نقصان پر 141 رنز اسکور کیے۔صابرعلی چار چوکوں اور ایک چھکے کی مدد سے 30 رنز کے ساتھ ٹاپ اسکورر رہے۔ رمیزعزیز اور بہادر علی نے دو دو وکٹیں حاصل کیں۔

کراچی بلوز نے مطلوبہ اسکور 14 اوورز میں کسی وکٹ کے نقصان کے بغیر پورا کرلیا۔ جہانزیب سلطان نے 43گیندوں پر5 چھکوں اور 6چوکوں کی مدد سے79 رنز اسکور کیے ۔ان کے ساتھ142 رنز کی شراکت میں شریک عبداللہ فضل نے 41گیندوں پر4 چوکوں اور 3 چھکوں کی مدد سے61 رنز اسکور کیے۔جہانزیب سلطان پلیئر آف دی میچ قرار پائے۔

اشتہار