مکان میں دھماکا ہونے سے 6 افراد جاں بحق

پنجاب کے ضلع منڈی بہاءالدین میں کوٹ پھلے شاہ کے ایک مکان میں دھماکا ہونے سے 6 افراد جاں بحق اور 7 زخمی ہوگئے۔ریسکیو حکام کے مطابق دھماکا آتش بازی کے سامان میں آگ لگنے کے باعث ہوا، لاشوں اور زخمیوں کو اسپتال منتقل کردیا گیا۔

جاں بحق افراد میں 4 خواتین اور ایک بچی بھی شامل ہے۔ 4 افراد کا تعلق ایک ہی خاندان سے ہے۔مکان میں آتش بازی کا سامان تیار کیا جاتا تھا، دھماکے سے پڑوسی کے مکان کی چھت بھی گر گئی۔

اشتہار