کثیر الجہتی سپیشل فورسز کی مشق فجر الشرق پنجم اختتام پذیر
کثیر الجہتی سپیشل فورسز کی مشق فجر الشرق پنجم اختتام پذیر ہوگئی۔پاک فوج کےشعبہ تعلقات عامہ (آئی ایس پی آر) کےمطابق مشترکہ کثیر الجہتی سپیشل فورسز کی 5 ویں مشق فجر الشرق کی اختتامی تقریب نیشنل کاؤنٹر ٹیررازم سنٹر پبی میں منعقد ہوئی، مشق میں پاکستان، بحرین، عراق اور کویت کی سپیشل فورسز کے دستوں نے حصہ لیا۔
آئی ایس پی آر کے مطابق دو ہفتے طویل مشق کا آغاز 27 نومبر 2023 کو نیشنل کاؤنٹر ٹیررازم سنٹر پبی ہوا، انسپکٹر جنرل ٹریننگ اینڈ ایویلیوایشن (IGT&E) نے ڈائریکٹر جنرل ملٹری ٹریننگ کے ساتھ بطور مہمان خصوصی اختتامی تقریب میں شرکت کی۔
Two-week long Multinational Joint Special Forces Exercise Fajar Al Sharq-V was held at National Counter Terrorism Centre, Pabbi, Khyber Pakhtunkhwa@OfficialDGISPR #News #BreakingNews #RadioPakistan https://t.co/Hk8JH1LQg9 pic.twitter.com/yjlUVVKr3s
— Radio Pakistan (@RadioPakistan) December 9, 2023
ترجمان پاک فوج کا کہنا ہے کہ مشق میں شریک فوجیوں کے علاوہ برادر ممالک بحرین، عراق اور کویت کے افسران نے بھی اختتامی تقریب میں شرکت کی، شرکاء دوست ممالک کی سپیشل فورسز نے مشق کے دوران اپنی پیشہ وارانہ مہارت کا مظاہرہ کیا۔
آئی ایس پی آر کے مطابق مشق کا مقصد برادر ممالک کے درمیان تاریخی فوجی تعلقات کو مزید تقویت دینا اور انسداد دہشت گردی کے خلاف مشترکہ کوششوں کو فروغ دینے کے علاوہ مستقبل میں فوجی تعاون کیلئے باہمی دلچسپی کے شعبوں کی نشاندہی بھی کرنا تھا۔
