پاک فضائیہ کے سربراہ کا دہشتگرد کے شکار میانوال ٹریننگ ایئر بس کا دورہ
پاک فضائیہ کے سربراہ ایئر چیف مارشل ظہیر احمد بابر سدھو نے کہا کہ قوم کو لاحق کسی بھی خطرے سے نمٹنے کیلئے ہم پُرعزم ہیں۔پاک فضائیہ کے سربراہ ایئر چیف مارشل ظہیر احمد بابر سدھو نے حالیہ دہشت گرد حملے کے بعد پاک فضائیہ کے میانوالی ایئر بیس کا دورہ کیا، ایئر چیف نے دراندازی کی کوشش کو ناکام بنانے پر پاک فضائیہ کے اہلکاروں کی غیرمتزلزل پیشہ ورانہ مہارت کو سراہا۔
ایئر چیف مارشل ظہیر احمد بابر سدھو نے دہشتگرد تنظیموں کے مذموم مقاصد کو ناکام بنانے کے لئے بھرپور آپریشنل تیاریوں پر زور دیا، ایئر چیف نے اہلکاروں کی حوصلہ افزائی کی، ایئرچیف نے پیشہ ورانہ مہارت اور آپریشنل تیاریوں کے اعلیٰ معیار کو برقرار رکھنے کے پاک فضائیہ کے عزم کا اعادہ کیا۔ایئر چیف نے ضرار کمپنی اور سول اداروں پر مشتمل جوائنٹ آپریشنز ٹیم کا بھی شکریہ ادا کیا، ایئر چیف نے کہا کہ پاک فضائیہ ملکی خود مختاری اور علاقائی سالمیت کے تحفظ کیلئے بھرپور کردار ادا کرتی رہے گی۔
