بسم اللہ الرحمن الرحیم

قومی

فیفا ورلڈ کپ، میری ٹائم سکیورٹی میں مدد فراہم کیلئے پاکستان نیوی کا جہاز قطر پہنچ گیا

پاکستان نیوی کا جہاز (PNS) تبوک فیفا ورلڈ کپ کے دوران قطری حکومت کو میری ٹائم سیکیورٹی میں مدد فراہم کرنے کے لیے قطر کی بندرگاہ پر پہنچ گیا ہے۔قطری بندرگاہ پہنچنے پر پاکستانی سفارتی حکام اور میزبان بحریہ کے سینئر افسران نے جہاز کا استقبال کیا۔

جہاز کے کمانڈنگ آفیسر نے میزبان بحریہ کے اعلیٰ حکام سے ملاقاتوں کے دوران فیفا ورلڈ کپ کی میری ٹائم سکیورٹی پر تبادلہ خیال کیا۔پاک بحریہ کے ترجمان نے ایک بیان میں کہا کہ فیفا ورلڈ کپ کے میگا ایونٹ کے دوران میری ٹائم سیکیورٹی میں پی این ایس تبوک کی مدد پاک بحریہ کی پیشہ ورانہ مہارت پر اعتماد کا اظہار ہے۔

Back to top button