بسم اللہ الرحمن الرحیم

قومی

فوج نے خود کو سیاست سے دور رکھا، مدت پوری ہونے پر ریٹائر ہو جائوں گا، آرمی چیف

وعدے کے مطابق اپنی مدت پر عہدہ چھوڑ دونگا، مسلح افواج سیاست سے دور ہے اور رہے گی

آرمی چیف جنرل قمر جاوید باجوہ نے کہا ہے کہ فوج نے خود کو سیاست سے دور رکھا ہے،   عہدے کی دوسری مدت پوری ہونے پر ریٹائرڈ ہو جائوں گا۔

واشنگٹن میں غیر رسمی گفتگو کرتے ہوئے آرمی چیف جنرل قمر جاوید باجوہ نے عہدے کی مقررہ مدت پوری ہونے پر ریٹائرمنٹ کا اعادہ کرتے ہوئے کہا ہے کہ  دوسری مدت پوری ہونے پر ریٹائرڈ ہو جائوں گا۔انہوں نے کہا کہ اس بات کا اظہار پہلے بھی کیا جا چکا ہے۔

واشنگٹن میں پاکستانی سفارت خانے میں ظہرانے کے موقع پر آرمی چیف جنرل قمر جاوید باجوہ کا کہنا تھا کہ فوج نے خود کو سیاست سے دور رکھا ہے۔ لاغر ملکی معیشت کو بحال کرنا معاشرے کے تمام طبقات کی اولین ترجیح ہونی چاہیے۔ مضبوط معیشت کے بغیر قوم اپنے اہداف حاصل نہیں کر سکے گی۔ انہوں نے کہا کہ مضبوط معیشت کے بغیر کوئی سفارت کاری نہیں ہو سکتی۔

Back to top button