مقبوضہ کشمیر، بھارتی فوج نے بربریت کی انتہا کردی،24 گھنٹوں میں 7 کشمیری نوجوان شہید

مقبوضہ کشمیر میں قابض بھارتی فورسز کی ریاستی دہشت گردی جاری ہے، بھارتی فوج نے مقبوضہ وادی میں 24گھنٹوں کے دوران 7 کشمیری نوجوانوں کو شہیدکر دیا۔

کشمیر میڈیا سروس کے مطابق ضلع کپواڑہ کے علاقے لولاب میں کارروائی کے دوران 2 کشمیری نوجوان شہیدکردیےگئے، ضلع پلوامہ میں بھی بھارتی فوج کی فائرنگ سے ایک کشمیری نوجوان شہید ہوگیا۔

کشمیر میڈیا سروس کا کہنا ہےکہ تینوں کشمیریوں کو سرچ آپریشن اور محاصرےکی آڑ میں شہیدکیا گیا،بھارتی فوج نےگزشتہ روز بھی ضلع کپواڑہ اورکلگام میں 4 نوجوانوں کو شہیدکیا تھا۔