ایشین والی بال چیمپئن شپ،پاکستان نے 4بار کی چیمپئن ٹیم جنوبی کوریا کو شکست دیدی

ایشین والی بال چیمپئن شپ میں پاکستان نے 4 مرتبہ کی چیمپئن ٹیم جنوبی کوریا کو آؤٹ کلاس کر دیا۔

پاکستان نے جاپان کے شہر چیبا میں کھیلی جا رہی ایشین والی بال چیمپئن شپ کے میچ میں سابق ایشین چیمپئن ٹیم کو ٹاپ 8 کے آخری کلاسیفکیشن میچ میں 0-3 سے آوٹ کلاس کیا۔

کوریا کے خلاف پاکستان والی بال ٹیم نے 23-25، 22-25، 14-25 سےکامیابی حاصل کی۔

جنوبی کوریا کے خلاف فتح کے باوجود پاکستان ٹاپ فور  تک رسائی نہ حاصل کر سکا اور پاکستانی ٹیم پانچویں سے آٹھویں پوزیشن کے میچز کھیلے گی۔

خیال رہے کہ پاکستان والی بال ٹیم کی موجودہ عالمی رینکنگ 48 اور جنوبی کوریا کی 21 ہے۔