بسم اللہ الرحمن الرحیم

قومی

شہزاد اکبر پر الزامات، رکن پنجاب اسمبلی نذیر چوہان گرفتار

پاکستان تحریک انصاف کے ناراض جہانگیر ترین گروپ سے تعلق رکھنے والے ایم پی اے نذیر چوہان کو لاہور میں ایل ڈی اے پلازہ کے قریب سے حراست میں لیا گیا

لاہور پولیس نے رکن پنجاب اسمبلی نذیر چوہان کو گرفتار کرلیا۔ تفصیلات کے مطابق پاکستان تحریک انصاف کے ناراض جہانگیر ترین گروپ سے تعلق رکھنے والے ایم پی اے نذیر چوہان کو لاہور میں ایل ڈی اے پلازہ کے قریب سے حراست میں لیا گیا ، رکن پنجاب اسمبلی کو وزیر اعظم عمران خان کے معاون خصوصی برائے احتساب بیرسٹر شہزاد اکبر کی درخواست پر درج کیے گئے مقدمے میں گرفتار کیا گیا۔

بتایا گیا ہے کہ وزیراعظم عمران خان کے معاونِ خصوصی برائے احتساب اور مشیر داخلہ بیرسٹر شہزاد اکبر کی درخواست پر جہانگیر ترین گروپ کے پارلیمانی سیکریٹری اور رکن پنجاب اسمبلی نذیر چوہان کے خلاف مقدمہ درج کیا گیا ، شہزاد اکبرکی طرف سے 20 مئی کو لاہور کے تھانہ ریس کورس میں مقدمہ درج کرنے کی درخواست دی گئی ، جس میں وزیراعظم عمران خان کے معاونِ خصوصی برائے احتساب اور مشیر داخلہ نے موقف اختیار کیا کہ جہانگیر ترین گروپ کے ایم پی اے نذیر چوہان نے ایک ٹی وی پروگرام میں مجھ پر جھوٹے الزامات لگائے ، ان الزامات سے میری زندگی کوخطرہ ہوسکتا ہے ، نذیرچوہان کی گفتگوکا مطلب کرپشن کے خلاف کام کی حوصلہ شکنی ہے، اس لیے نذیر چوہان کے خلاف مقدمہ درج کرکے سخت کارروائی کی جائے۔

Back to top button