انگلینڈ ویمنز نے تیسرے اور آخری ون ڈے میچ میں بھی پاکستان کو 178 رنز سے شکست دیدی
انگلینڈ نے نیٹ سیور برنٹ کی عمدہ آل راؤنڈر کارکردگی کی بدولت پاکستان کو تیسرے ون ڈے میچ میں 178 رنز سے شکست دے کر سیریز 0-2 سے اپنے نام کر لی۔چیلمسفورڈ میں کھیلے گئے سیریز کے تیسرے اور آخری میچ میں انگلینڈ نے ٹاس جیت کر پہلے بیٹنگ کا فیصلہ کیا جو بالکل درست ثابت ہوا۔
میزبان ٹیم نے نیٹ سیور کی 117 گیندوں پر 2 چھکوں اور 14 چوکوں سے مزین 124 رنز کی اننگز کی بدولت انگلینڈ نے 5 وکتوں کے نقصان پر 302 رنز بنائے، مائیا باؤچر نے 34، ڈینی ویاٹ نے 44 اور ایلس کیپسی نے 39 رنز کی باری کھیلی۔پاکستان کی جانب سے اُم ہانی نے 2 جبکہ فاطمہ ثنا، ندا ڈار اور ڈیانا بیگ نے ایک، ایک وکٹ اپنے نام کی۔
ہدف کے تعاقب میں پاکستان کی بیٹنگ لائن بدترین تباہی سے دوچار ہوئی اور پوری ٹیم صرف 124 رنز پر ڈھیر ہو گئی، منیبہ علی نے 47 جبکہ عالیہ ریاض نے 36 رنز کی باری کھیلی۔انگلینڈ کی صوفی اکلیسٹون تین وکٹوں کے ساتھ سب سے کامیاب باؤلر رہیں جبکہ لورین بیل اور نیٹ سیور نے دو، دو وکٹیں اپنے نام کیں۔
انگلینڈ نے میچ میں 178 رنز سے کامیابی حاصل کرنے کے ساتھ ساتھ سیریز بھی 0-2 سے اپنے نام کر لی۔نیٹ سیور کو سنچری اور دو وکٹیں لینے پر میچ کا بہترین کھلاڑی قرار دیا گیا جبکہ صوفی ایکلسٹون کو سیریز کی بہترین کھلاڑی قرار پائیں۔
