قانونی ٹیم نے نواز شریف 3 سے 7 روز کی حفاظتی ضمانت ملنے کا یقین دلا دیا
پاکستان مسلم لیگ ن کے قائد نواز شریف کی وطن واپسی کے معاملے میں پیش رفت ہوگئی۔ قانونی ٹیم کی نواز شریف اور شہباز شریف میں مشاورت مکمل کرلی ہے ، قانونی ٹیم نے نواز شریف کو لاہور ہائیکورٹ سے 3 سے 7 روز کی حفاظتی ضمانت ملنے کا یقین دلا دیا ۔ حفاظتی ضمانت کے بعد نواز شریف کو فوری گرفتار نہیں کیا جا سکے گا .قانونی ٹیم کا موقف ہے کہ نواز شریف کو جس کیس میں سزا ہوئی ہوئی ہے، اس کیس میں مریم نواز باعزت بری ہو چکی ہیں جس سے انھیں(نواز شریف) کو بھی عدالت سے بھرپور قانونی فائدہ ملنے کا امکان ہے۔
نواز شریف وطن واپسی پر جلسہ کرنے کے بعد پیر کو اسلام آباد کی عدالت میں سرنڈر کر دینگے۔ امکان ہے کہ متعلقہ ٹرائل کورٹ میں سرنڈر کرنے کے بعد عدالت نواز شریف کو اشتہاری قرار دینے کا فیصلہ معطل کر دے گی۔حفاظتی ضمانت لینے پر نواز شریف کو وطن واپسی پر فوری طور پر جیل بھی نہیں جانا پڑے گا۔
