بسم اللہ الرحمن الرحیم

بین الاقوامی

انڈونیشیا میں 7.6 شدت کا زلزلہ،15 مکانات اور 2 سکول کی عمارتوں کو نقصان پہنچا

شہری خوف زدہ ہو کر گھروں سے باہر نکل آئے،زلزلے کے بعد 4 آفٹر شاکس محسوس کئے گئے


انڈونیشیا کے جنوبی صوبے مالوکو کے جزائر پر 7.6 شدت کے زلزلے سے زمین لرز اٹھی، شہری خوف زدہ ہو کر گھروں سے باہر نکل آئے۔غیر ملکی خبر رساں ادارے کے مطابق زلزلے کے باعث 15 مکانات اور 2 اسکول کی عمارتوں کو نقصان پہنچا ہے جبکہ ایک شخص زخمی ہوا۔ میڈیا رپورٹس کے مطابق زلزلے کے بعد جاری کی گئی سونامی کی وارننگ واپس لے لی گئی ہے۔

انڈونیشیا کے جنوبی صوبے کے جزائر میں آنے والا زلزلہ 130 کلومیٹر کی گہرائی میں ریکارڈ کیا گیا ہے۔زلزلے کے بعد 4 آفٹر شاکس محسوس کئے گئے، ایک کی شدت 5.5 تک ریکارڈ کی گئی۔

غیر ملکی میڈیا کا کہنا ہے کہ زلزلے کے جھٹکے آسٹریلیا کے شمالی حصوں میں بھی محسوس کیے گئے ہیں۔

Back to top button