اسحاق ڈار کی چینی سفیر سے ملاقات، مشکل گھڑی میں مدد پر شکریہ ادا کیا

وزیر خزانہ اسحاق ڈار نے چینی قیادت کی طرف سے پاکستان کو 2.24 بلین ڈالر کی سنڈیکیٹ سہولت کی ری فنانسنگ میں تعاون کو سراہا ہے۔

اسلام آباد میں عوامی جمہوریہ چین کے سفیر نونگ رونگ سے ملاقات کے دوران، وزیر خزانہ نے مارچ 2023 میں سیف چائنا کے دو ارب ڈالر کے ذخائر کے رول اوور کو آسان بنانے کے لیے سفیر سے تعاون طلب کیا۔

وزیر خزانہ نے پاکستان اور چین کے درمیان گہری دوستی اور برادرانہ تعلقات کو اجاگر کیا۔

انہوں نے سفیر کو پاکستان میں بے مثال سیلاب سے ہونے والے نقصانات سے آگاہ کیا جس سے انفراسٹرکچر، زراعت، جان و مال اور معیشت کو بڑے پیمانے پر ہونے والی لاگت کو متاثر کیا گیا۔

انہوں نے اس مشکل گھڑی میں پاکستان کی حکومت اور عوام کی ہر ممکن مدد کرنے پر چین کی حکومت کا شکریہ ادا کیا۔

سی پیک کا ذکر کرتے ہوئے وزیر خزانہ نے کہا کہ اقتصادی راہداری پاکستان کی معیشت کو آگے لے جانے کے ساتھ ساتھ دونوں ممالک کے درمیان دوطرفہ تعلقات کو مستحکم کرنے میں اہم کردار ادا کرے گی۔

سفیر نے چینی حکومت کی پاکستان کے ساتھ مسلسل حمایت کا اعادہ کیا اور اس بات پر زور دیا کہ چین مشکل کی اس گھڑی میں پاکستانی عوام کے ساتھ چٹان کی طرح کھڑا ہے۔

نونگ رونگ نے CPEC کے حصے کے طور پر خصوصی اقتصادی زونز کی ترقی میں اپنی حکومت کی مکمل حمایت اور تعاون کا یقین دلایا۔