بھارتی وزیراعظم مودی کے دورے کے موقع پر کل وادی میں مکمل ہڑتال

مقبوضہ کشمیر میں بھارتی وزیراعظم مودی کے دورے کے موقع پر کل وادی میں مکمل ہڑتال ہوگی۔

کشمیر میڈیا سروس (کے ایم ایس) کے مطابق ہڑتال کی کال کُل جماعتی حریت کانفرنس نے دی ہے۔

حریت کانفرنس نے جاری بیان میں کہا ہے کہ کشمیری مقبوضہ وادی پر بھارت کے غیر قانونی قبضے کو مسترد کرتے ہیں۔

بیان میں کہا گیا کہ مودی کے دورہ مقبوضہ کشمیر کے موقع پر بھارتی جرائم کے خلاف احتجاجی مظاہرے ہوں گے۔

مودی کے دورہ مقبوضہ کشمیر سے قبل وادی میں بڑی تعداد میں بھارتی فوجی تعینات، نقل و حرکت پر نظر رکھنے کے لیے سی سی ٹی وی کیمروں کا استعمال جاری ہے۔

دوسری جانب اونچی اونچی عمارتوں پر ماہر نشانہ باز بھی تعینات کردیے گئے ہیں۔