وزیراعظم کی آزادکشمیرمیں غیرقانونی تعمیرات روکنے کیلئے سخت قوانین بنانے کی ہدایت

وزیراعظم عمران خان نے آزادکشمیرمیں غیرقانونی تعمیرات روکنے کیلئے سخت قوانین بنانے کی ہدایت کی ہے۔

قومی رابطہ کمیٹی برائے ہاؤسنگ و تعمیرات کے اجلاس سے خطاب میں انہوں نے کہا کہ مقبوضہ کشمیر سے آئے مہاجرین کیلئے معیاری اور کم قیمت گھر جلد تعمیر  کیے جائیں۔

 انہوں نے کہا کہ مہاجرین کی رہائش گاہوں کیلئے  ساڑھے پانچ ارب روپے سے زائد کی زمین آزاد کشمیر حکومت مہیا کرے گی۔ پہلے مرحلے میں 1300 گھرانوں کو گھر مہیا کیے جائیں گے۔

 وزیراعظم نے کہا کہ تمام شہروں کی حدود متعین ہونی چاہئیں تاکہ بےہنگم پھیلاؤ روکا جاسکے۔  بےہنگم پھیلاؤ روک کر سبزے کو  بچایا جاسکتا ہے۔

وزیراعظم نے کہا کہ اسلام آباد میں بین الاقوامی معیار کا کرکٹ اسٹیڈیم تعمیر کیا جائے گا۔

وزیراعظم نے اسلام آباد کے منہگے سیکٹرز میں سرکاری رہائش گاہوں پر کمرشل بلنڈنگز بنانے کی ہدایت بھی کی۔