زمین کے تنازع پر فائرنگ،5افراد ہلاک

سوات میں زمین کے تنازع پر دو گروپوں میں فائرنگ سے 5 افراد جاں بحق اور 16 زخمی ہوگئے۔ زخمیوں کو اسپتال منتقل کردیا گیا۔

پولیس کے مطابق کالام اور اتروڑ کے سرحدی علاقے میں زمین کے تنازع پر دو گروپوں میں فائرنگ سے 5 افراد جاں بحق اور 16 زخمی ہوئے۔

پولیس کا کہنا ہے کہ کشیدہ صورتحال کے باعث کالام بازار کو بند کردیا گیا ہے، جبکہ علاقے میں سیکیورٹی فورسز کی بھاری نفری پہنچ گئی ہے۔