نائب وزیراعظم اور بحرینی وزیر خارجہ کے پاکستان بحرین مشترکہ وزارتی کمیشن کے معاہدے پر دستخط

نائب وزیراعظم اور وزیر خارجہ اسحاق ڈار اور بحرین کے وزیر خارجہ ڈاکٹر عبداللطیف بن راشد الزیانی نے پاکستان بحرین مشترکہ وزارتی کمیشن کے تیسرے اجلاس کے معاہدے پر دستخط کیے ہیں۔

دستخطوں کی تقریب آج اسلام آباد میں ہوئی۔

اجلاس میں تجارت، سرمایہ کاری، زراعت، غذائی تحفظ، تیل، گیس و معدنیات، بحری امور، انفارمیشن ٹیکنالوجی و ٹیلی مواصلات، صحت، تعلیم اور محنت سمیت مختلف شعبوں میں تعاون پر اتفاق رائے کیا گیا۔

فریقین نے حکومت کی سطح پر تجارت اور سرمایہ کاری کے حوالے سے مشترکہ ورکنگ گروپ قائم کرنے پر اتفاق کیا، جو دوطرفہ تجارت اور سرمایہ کاری کے معاملات پر باقاعدہ مشاورت، رابطے اور تعاون کے لیے ادارہ جاتی طریقہ کار کے طور پر کام کرے گا۔