بسم اللہ الرحمن الرحیم

قومی

کمشنر راولپنڈی اپنے الزامات پر ثبوت پیش کریں، چیف جسٹس

چیف جسٹس آف پاکستان قاضی فائز عیسیٰ نے کمشنر راولپنڈی کے دھاندلی کے الزامات پر ان سے ثبوت پیش کرنے کا مطالبہ کیا ہے۔چیف جسٹس نے میڈیا سے گفتگو کرتے ہوئے ثبوت پیش کرنے کا مطالبہ کرتے ہوئے کہا کہ اس طرح کسی پر بھی بے بنیاد الزام لگا دینا، جس میں ذرا سی صداقت یا سچائی ہو اور نہ ثبوت پیش کریں۔ان کا کہنا تھا کہ اس طرح تو پھر آپ کوئی بھی الزام لگا دیں، مجھ پر چوری کا الزام لگا دیں، قتل کا الزام لگا دیں۔

انہوں نے سوال کیا کہ الزام لگانے والے نے کوئی ثبوت پیش کیا؟ یہ بےبنیاد الزامات ہیں اور اگر اس میں ذرا سی بھی صداقت ہے تو ثبوت پیش کریں۔جسٹس قاضی فائز عیسیٰ نے کہا کہ اگر الزام لگانا آپ کا حق ہے تو فرائض بھی انجام دے دیں، کچھ ثبوت بھی پیش کردیں، اچھے اور برے کا بعد میں تعین ہو گا۔

یاد رہے کہ کمشنر راولپنڈی لیاقت علی چٹھہ نے آج عام انتخابات میں مبینہ بےضابطگیوں کا اعتراف کرتے ہوئے اپنے عہدے سے استعفی دے دیا تھا۔انہوں نے کہا کہ مجھے نگران حکومت نے الیکشن کروانے کے لیے لگوایا گیا تھا، الیکشن ٹھیک نہیں کروا سکا، استعفیٰ دیتا ہوں۔

لیاقت علی چٹھہ کا کہنا تھا کہ مجھے راولپنڈی کے کچہری چوک میں سزائے موت دی جائے، میرے ساتھ الیکشن کمشنر اور دیگر کو بھی سزائیں دی جائیں۔

Back to top button