وزیراعظم کی ہدایت،فلور ملز ایسوسی ایشن نے بھی سستے آٹے کی فراہمی کا اعلان کردیا

وزیراعظم شہباز شریف کی جانب سے ہدایت کے بعد فلوز ملز ایسوسی ایشن نے بھی سستے آٹے کی فراہمی کا اعلان کردیا۔

فلور ملز ایسوسی ایشن کے چیئرمین عاصم رضا کا کہنا ہے کہ پنجاب میں عوام کو آٹا سستا ملے گا۔ ان کا کہنا تھاکہ یہ قیمت فی الحال رمضان کیلئے مقرر کی گئی ہے، حکومت روزانہ گندم کوٹہ 21 ہزار ٹن فراہم کررہی ہے۔

خیال رہے کہ وزیراعظم شہباز شریف نے پنجاب میں 10کلو آٹےکا تھیلا 550 سےکم کرکے 400روپے کرنے کی ہدایت کی۔

انہوں نے رمضان بازار اور یوٹیلٹی اسٹورزمیں فی کلوچینی کی قیمت 70 روپے مقرر کرنے کا بھی حکم دیا۔

وزیراعظم کا کہنا تھاکہ باقی صوبے بھی یہ قیمتیں مقرر کرنے کی کوشش کریں۔ انہوں نے کہا کہ پنجاب آٹا اور چینی کی فراہمی یقینی بنانےکیلئے بلوچستان اورآزادکشمیر کی امدادکرے جبکہ وفاقی حکومت ضرورت کے مطابق بلوچستان کو اضافی ادائیگی کرےگی۔