ڈیرہ اسماعیل خان، ٹانک اور جنوبی وزیرستان میں فورسز کے آپریشن میں 2 دہشتگرد ہلاک

ڈیرہ اسماعیل خان، ٹانک اور جنوبی وزیرستان میں فورسز کے آپریشن میں 2 دہشتگرد ہلاک ہوگئے۔

آئی ایس پی آر کے مطابق فورسز نے ان علاقوں میں خفیہ اطلاعات پر آپریشن کیا جس دوران فائرنگ کے تبادلے میں 2 دہشتگرد ہلاک ہوئے جن کےقبضے سے بھاری مقدار میں اسلحہ اور گولہ بارود برآمد ہوا۔

آئی ایس پی آر کا بتانا ہےکہ ایک دہشتگرد نے فورسز کے سامنے ہتھیار بھی ڈال دیے۔

آئی ایس پی آر کے مطابق دہشتگردوں سے مقابلے میں دو اہلکار شہید بھی ہوئے جن میں سے سپاہی فرید اللہ کا تعلق کرک اور سپاہی شعیب حسن کا تعلق ڈیرہ اسماعیل خان سے تھا۔