بسم اللہ الرحمن الرحیم

صحت

اسلام آباد میں اومی کرون کے مریضوں کی تعداد 141 ہو گئی

اسلام آباد میں مزید 27 افراد میں عالمی وباء کورونا وائرس کی نئی قسم اومی کرون کی تصدیق ہوئی ہے۔

ڈسٹرکٹ ہیلتھ آفیسر (ڈی ایچ او) کا کہنا ہے کہ اسلام آباد میں اومی کرون سے متاثرہ افراد کی تعداد 141 ہو گئی، جہاں پر مذکورہ ویرینٹ کا پہلا کیس 25 دسمبر کو رپورٹ ہوا تھا۔

ڈی ایچ او کا مزید کہنا ہے کہ اومی کرون متاثرہ افراد کی اکثریت نے انسداد کورونا ویکسین نہیں لگوائی تھی۔

انہوں نے یہ بھی کہا کہ عوام جلد از جلد اپنی ویکسینیشن مکمل کروائیں۔

خیال رہے کہ پاکستان میں کورونا کے مثبت کیسز کی شرح بڑھ کر ایک اعشاریہ آٹھ فیصد پر آ گئی جبکہ 898 نئے کیس سامنے آئے اور کورونا سے مزید 5 افراد انتقال کرگئے۔

یہ بھی پڑھیے

Back to top button