سونے کی قیمت کا اوپر کی جانب سفر جاری

ملک میں سونے کی قیمت میں اتار چڑھاؤ کا سلسلہ جاری ہے اور آج سونا 2 ہزار روپے فی تولہ مہنگا ہوا ہے۔

سندھ صرافہ بازار جیولرز ایسوسی ایشن کے مطابق ملک میں 24 قیراط سونے کی فی تولہ قیمت 2 ہزار روپے بڑھ گئی ہے۔

ملک میں فی تولہ سونے کی قیمت ایک لاکھ 24 ہزار روپے ہوگئی ہے جبکہ 10 گرام سونے کی قیمت 1715 روپے بڑھ کر 106310 روپے ہوگئی ہے۔

22 قیراط سونے کی 10 گرام قیمت 97451 ہے۔ اس کے علاوہ عالمی صرافہ بازار میں سونے کی قدر  2 ڈالر کم ہوکر 1860ڈالر فی اونس ہوگئی ہے۔