بسم اللہ الرحمن الرحیم

قومی

اعظم سواتی اور فواد چوہدری کو الیکشن کمیشن نے شوکاز نوٹس جاری کردیئے

الیکشن کمیشن آف پاکستان نے الزامات اور نازیبا ریمارکس کے کیس کی سماعت کے دوران وفاقی وزراء فواد چوہدری اور اعظم سواتی کو شوکاز نوٹس جاری کر دیئے۔

وفاقی وزراء فواد چوہدری اور اعظم سواتی کے الیکشن کمیشن پر الزامات اور نازیبا ریمارکس کے کیس کی سماعت الیکشن کمیشن میں کمیشن کے ممبران نثار درانی اور شاہ محمد جتوئی پر مشتمل 2 رکنی بینچ نے کی۔

معاون وکیل محمد زبیر نے عدالت کو بتایا کہ کل اعظم سواتی ذاتی طور پر پیش ہوئے تھے، آج راستے بند ہیں، ہم بھی بہت مشکل سے الیکشن کمیشن پہنچے ہیں۔

الیکشن کمیشن حکام نے کہا کہ یہ اعظم سواتی کو دیا گیا دوسرا نوٹس ہے، گزشتہ روز پہلے نوٹس کی سماعت تھی، اعظم سواتی کو 2 نوٹس دیئے گئے ہیں، انہیں ایک نوٹس فواد چوہدری کے ساتھ دیا گیا، جبکہ دوسرا نوٹس بابر اعوان کے ساتھ پریس کانفرنس پر جاری ہوا۔

الیکشن کمیشن ممبران نے کہا کہ اعظم سواتی کو آج کے کیس میں بھی شو کاز نوٹس جاری کر رہے ہیں، اعظم سواتی کے خلاف کیس کی سماعت 16 نومبر تک ملتوی کرتے ہیں۔

فواد چوہدری کی جانب سے کوئی وکیل الیکشن کمیشن میں پیش نہیں ہوا۔

یہ بھی پڑھیے

Back to top button