بسم اللہ الرحمن الرحیم

کھیل

مایہ ناز آل رائونڈر محمد حفیظ کے پاکستان کرکٹ ٹیم میں 18 سال۔۔

قومی کرکٹ ٹیم کے آل راؤنڈر محمد حفیظ نے زمبابوے خلاف 3 اپریل 2003 میں پاکستان کرکٹ ٹیم کے ساتھ سفر شروع کیا تھا۔محمد حفیظ نے سوشل میڈیا کی ویب سائٹ ٹوئٹر پر جاری اپنے پیغام میں کہا کہ 18 سال ہو گئے جب میں نے پاکستان کے جھنڈے کی خدمت کے لیے سفر کا آغاز کیا تھا۔

انہوں نے کہا کہ جوش، جذبہ، محنت، لگن اور جذبات سے بھرا رولر کوسٹر بن گیا ہوں۔آل راؤنڈر محمد حفیظ نے مزید کہا کہ میں ان سب کا شکر گزار ہوں جنہوں نے اس سفر میں میری حمایت کی۔

اپنے پیغام کے آخر میں محمد حفیظ نے پاکستان کا جھنڈا بھی لگایا اور پاکستان زندباد بھی کہا۔قومی کرکٹر ٹیم کے موجودہ اور سابق کھلاڑیوں نے محمد حفیظ کے لیے نیک خواہشات کا اظہار کیا۔

محمد حفیظ 55 ٹیسٹ، 218 ون ڈے اور 99 ٹی20 انٹرنیشنل میچز میں پاکستان کی نمائندگی کرچکے ہیں۔

یہ بھی پڑھیے

Back to top button