قومی
نائب وزیراعظم ،کویتی وزیرخارجہ کا خطے کی تازہ ترین صورتحال پرتبادلہ خیال
نائب وزیراعظم اسحاق ڈار نے خطے اور دنیا بھر میں امن کے فروغ کیلئے پاکستان کی مسلسل تعمیری کوششوں اور سفارتکاری کی اہمیت پر زور دیا ہے۔انہوں نے ان خیالات کا اظہار کویت کے وزیر خارجہ شیخ جراح جابر الاحمد الصباح سے ٹیلی فون پر گفتگو کے دوران کیا۔
دونوں رہنماؤں نے خطے کی تازہ ترین صورتحال اور معیشت پر اس کے وسیع تر اثرات پر تبادلہ خیال کیا۔کویت کے وزیر خارجہ نے امت مسلمہ اور عالمی برادری کے وسیع تر مفاد میں پائیدار امن و سلامتی کے فروغ کیلئے پاکستان کی مخلصانہ کوششوں کی تعریف کی۔
