قومی
سندھ حکومت اور یو این آئی ڈی او کا ترقیاتی منصوبوں کے لیے 4 کروڑ ڈالر متحرک کرنے پر اتفاق
سندھ حکومت اور اقوامِ متحدہ کے صنعتی ترقی کے ادارے (یو این آئی ڈی او) نے صوبے میں ترقیاتی منصوبوں کے لیے 40 ملین ڈالر، یعنی 4 کروڑ ڈالر، متحرک کرنے پر اتفاق کیا ہے۔
یہ اتفاق کراچی میں وزیراعلیٰ سندھ سید مراد علی شاہ اور یو این آئی ڈی او کے وفد کے درمیان ہونے والی ملاقات میں ہوا۔ وفد کی قیادت ادارے کی ڈپٹی ڈائریکٹر جنرل فاتو حیدرا نے کی۔
ملاقات میں موسمیاتی تبدیلیوں کے اثرات برداشت کرنے کے قابل بنیادی ڈھانچے، دیہی ترقی، جامع معاشی نمو اور روزگار کے مواقع پیدا کرنے کے شعبوں میں تعاون پر بھی تبادلہ خیال کیا گیا۔
وزیراعلیٰ سندھ سید مراد علی شاہ نے 2022 کے تباہ کن سیلاب سے متاثرہ دیہی آبادیوں کی بحالی میں یو این آئی ڈی او کے کردار کو سراہا۔
