اسحاق ڈار کی بیرون ملک پاکستانی مشنز کی کارکردگی بہتر بنانے کیلئے لائحہ عمل مرتب کرنے کی ہدایت

نائب وزیراعظم محمد اسحاق ڈار نے بیرون ملک پاکستانی سفارتخانوں کے انتظامی امور کے لیے حکمت عملی اور لائحہ عمل مرتب کرنے کے لیے قائم کمیٹی کے اجلاس کی صدارت کی۔

کمیٹی نے قونصلر خدمات مضبوط بنانے اور بیرون ملک مقیم پاکستانیوں کو بروقت معاونت فراہم کرنے سمیت بیرون ملک پاکستانی مشنز کی کارکردگی بہتر بنانے کے اقدامات پر تبادلہ خیال کیا۔

نائب وزیراعظم نے سرکاری فنڈز کا مؤثر استعمال یقینی بناتے ہوئے خدمات کی بہتر فراہمی کے لیے ایک لائحہ عمل مرتب کرنے کی ہدایت کی۔