وزیر اعلیٰ پنجاب کی عید پر مؤثر انتظامی اقدامات کرنے کی ہدایت

وزیر اعلیٰ پنجاب مریم نواز شریف نے متعلقہ افسران کو عید الاضحیٰ کے دوران فرنٹ لائن پر رہنے اور صوبے میں انتظامی اقدامات کے مؤثر نفاذ کو یقینی بنانے کی ہدایت کی ہے۔آج لاہور میں ایک اجلاس کی صدارت کرتے ہوئے وزیر اعلیٰ نے عید کے انتظامات، سیکیورٹی، صفائی اور عوامی سہولت کے حوالے سے جامع ہدایات جاری کیں۔

انہوں نے اعلان کیا کہ کسی بھی شخص پر جو جانور کے فضلے یا باقیات کو سڑکوں، محلوں، نالوں یا نہروں میں پھینکے گا، پچاس ہزار روپے کا جرمانہ عائد کیا جائے گا۔مریم نواز شریف نے عید الاضحیٰ کے دوران ممنوعہ تنظیموں کی جانب سے جانور کی کھال جمع کرنے پر پابندی کے سخت نفاذ کا بھی حکم دیا۔وزیر اعلیٰ نے حکام کو ہوائی فائرنگ اور ہتھیاروں کی نمائش پر مکمل پابندی کو یقینی بنانے کی ہدایت بھی دی۔