صدر، وزیراعظم کا قوم پر علامہ اقبال کے افکار پر عمل پیر اہونے پر زور
صدرآصف علی زرداری اوروزیراعظم شہبازشریف نے علامہ محمداقبال کی برسی کے موقع پر اپنے پیغامات میں قوم پرزوردیاہے کہ وہ شاعرمشرق کے افکارپرعمل پیرا ہوکر پاکستان کو ایک مضبوط ، خودمختار اورترقی یافتہ ملک بنانے کے لئے مشترکہ کوششیں کریں۔
صدرنے اپنے پیغام میں اہل وطن پرزوردیاکہ وہ علامہ اقبال کی تعلیمات پرعمل کریں تاکہ پاکستان کو تمام شہریوں کیلئے یکساں سماجی اورمعاشی انصاف فراہم کرنے والاملک بنایاجاسکے۔انہوں نے علامہ اقبال کی سیاسی اورفکری خدمات کو بھی خراج عقیدت پیش کیا۔
وزیراعظم نے اپنے پیغام میں کہاکہ علامہ اقبال نہ صرف شاعرتھے بلکہ ایک دوراندیش رہنما بھی تھے جنہوں نے برصغیر کے مسلمانو ں کے لئے علیحدہ وطن کاتصورپیش کیا۔شہبازشریف نے کہاکہ علامہ اقبال وہ پہلے مفکر تھے جنہوں نے انیس سوتیس میں اپنے خطبہ الہ آباد میں برصغیر کے مسلمانوں کیلئے ایک الگ ریاست کا تصور پیش کیا۔انہوں نے کہاکہ علامہ اقبال کے اس تصورکو قائداعظم کی قیادت میں عملی شکل دی گئی اور قیام پاکستان کاخواب شرمندہ تعبیر ہوا۔
