افغان سٹیزن کارڈ ہولڈرز کو پاکستان چھوڑنے کیلئے دی گئی مہلت میں اب پانچ دن باقی

غیر قانونی طور پر مقیم غیر ملکیوں اور افغان سٹیزن کارڈ ہولڈرز کو پاکستان چھوڑنے کیلئے دی گئی مہلت میں اب پانچ دن باقی رہ گئے ہیں۔حکومت کی جانب سے ان افراد کو ملک چھوڑنے کیلئے اس ماہ کی اکتیس تاریخ کی ڈیڈ لائن دی گئی ہے۔حکومت کی جانب سے اس بات کی یقین دہانی کرائی گئی ہے کہ اس عمل کے دوران کسی سے سختی نہیں کی جائے گی اور واپس جانے والوں کیلئے خوراک اور صحت کی سہولیات کا انتظام کیا گیا ہے۔ادھر ملک میں غیر قانونی طور پر مقیم افغان باشندوں کی اپنے وطن واپسی کا سلسلہ جاری ہے اور اب تک آٹھ لاکھ اٹھہتر ہزار نو سو بہتر افغان باشندے پاکستان چھوڑ چکے ہیں۔

اشتہار