بسم اللہ الرحمن الرحیم

کھیل

قومی کرکٹ ٹیم کے کوچ گیری کرسٹن نے ٹیم کو جوائن کرلیا

قومی کرکٹ ٹیم کے وائٹ بال ہیڈ کوچ گیری کرسٹن نے گزشتہ روز انگلینڈ میں ٹیم کو جوائن کر لیا۔تفصیلات کے مطابق وائٹ بال ہیڈ کوچ گیری کرسٹن کو لیڈز میں ٹیم منیجمنٹ اور کپتان بابر اعظم نے خوش آمدید کہا، سینئر منیجر وہاب ریاض نے گیری کرسٹن کو ٹیم کی ٹریننگ شرٹ بھی پیش کی، گیری کرسٹن پیر سے ٹیم کے پریکٹس سیشن کی نگرانی کریں گے۔

واضح رہے کہ پاکستان اور انگلینڈ کے درمیان 4 ٹی ٹوئنٹی میچز پر مشتمل سیریز 22 سے 30 مئی کے درمیان کھیلی جائے گی، دونوں ٹیموں کے درمیان پہلا ٹی ٹوئنٹی میچ 22 مئی کو ہیڈنگلے لیڈز میں کھیلا جائے گا۔

پاکستان ٹیم آج مقامی وقت کے مطابق صبح ساڑھے 9 بجے سے دوپہر ساڑھے 12 بجے تک پریکٹس کرے گی جبکہ کل دوپہر ڈیڑھ بجے سے شام ساڑھے 4 بجے تک بھی پریکٹس کرے گی۔

مزید پڑھیے  پاکستان بمقابلہ انگلینڈ، انگلش شائقین کرکٹ کیلئے بڑی خبر
Back to top button