وزیراعلیٰ پنجاب نے سیف سٹیز اتھارٹی کے ڈی آئی سی تھری پراجیکٹ کی منظوری دے دی

نگران وزیراعلیٰ پنجاب محسن نقوی نے سیف سٹیز اتھارٹی کے ڈی آئی سی تھری پراجیکٹ کی منظوری دے دی۔وزیراعلیٰ محسن نقوی کی زیر صدارت پنجاب سیف سٹی اتھارٹی کا 33واں اجلاس ہوا، انسپکٹر جنرل پولیس، ایڈیشنل آئی جی، چیئرمین پلاننگ اینڈ ڈویلپمنٹ بورڈ، سیکرٹری داخلہ، سی سی پی او اور متعلقہ حکام اجلاس میں شریک ہوئے۔اجلاس کے دوران وزیراعلیٰ محسن نقوی نے 17شہروں میں سیف سٹی پراجیکٹ “ڈی آئی سی تھری”کی منظوری دی، گجرات، سیالکوٹ، سرگودھا اور شیخوپورہ میں پہلے فیز میں سیف سٹی پراجیکٹ قائم ہوگا۔پراجیکٹ کے تحت 4شہروں میں 831 کیمرے لگائے جائیں گے، اٹک،جھنگ، ساہیوال، بہاولپور اور رحیم یار خان میں دوسرے فیز میں 1234کیمرے لگائے جائیں گے، جہلم،مری، میانوالی، مظفر گڑھ اور دیگر شہروں میں تیسرے فیز میں 500سے زائد کیمرے لگائے جائیں گے۔اجلاس کے دوران پنجاب کے دیگر شہروں میں بھی سیف سٹی اتھارٹی کے قیام کا جائزہ لیاگیا۔