بین الاقوامی
اسرائیلی فوج نے مقبوضہ مغربی کنارے میں دو فلسطینیوں کو شہیدکردیا
اسرائیلی فوجیوں نے مقبوضہ مغربی کنارے میں دو فلسطینیوں کو شہید کر دیا ہے۔
نوجوانوں کی شناخت 27 سالہ حطیفہ فارس اور 23 سالہ عبدالرحمن عطا کے نام سے ہوئی ہے۔ ان کی گاڑی کو اسرائیلی فوجیوں نے مقبوضہ مغربی کنارے کے شہر تلکرم کے جنوب میں شوفا گاؤں کے قریب نشانہ بنایا۔
نوجوانوں کے قتل پر اسرائیلی فوج کی مذمت کرتے ہوئے فلسطینی وزیر اعظم محمد شطیہ نے فلسطینی عوام، زمین اور مقدس مقامات کے خلاف اسرائیلی قبضے اور اس کے آباد کاروں کے جاری گھناؤنے جرائم کے خطرناک نتائج کے خلاف خبردار کیا ہے۔
محمد شتیہ نے ان جرائم کو ختم کرنے اور مجرموں کے لیے استثنیٰ ختم کرنے پر زور دیا۔
