پریکٹس اینڈ پروسیجر ایکٹ کو چیلنج کرنے والی درخواستوں کی سماعت دوبارہ ہو گی
چیف جسٹس آف پاکستان قاضی فائز عیسیٰ کی سربراہی میں اور سپریم کورٹ کے تمام 15 ججوں پر مشتمل فل کورٹ بینچ آج پریکٹس اینڈ پروسیجر ایکٹ کو چیلنج کرنے والی درخواستوں کی سماعت دوبارہ شروع کرے گا۔
سرکاری ٹیلی ویژن اس کیس کی سماعت کو براہ راست نشر کریگا، ہ پی ٹی وی نے کمرہ عدالت نمبر 1 کے اندر اپنے کیمرے نصب کیے ہیں۔ سماعت صبح 9:30 بجے شروع ہوگی۔
فل کورٹ بنچ کی سربراہی چیف جسٹس عیسیٰ کر رہے ہیں اور اس میں جسٹس سردار طارق مسعود، جسٹس اعجاز الاحسن، جسٹس سید منصور علی شاہ، جسٹس منیب اختر، جسٹس یحییٰ آفریدی، جسٹس امین الدین خان، جسٹس سید مظاہر علی اکبر نقوی، جسٹس جمال خان مندوخیل، جسٹس محمد علی مظہر، جسٹس عائشہ اے ملک، جسٹس اطہر من اللہ، جسٹس سید حسن اظہر رضوی، جسٹس شاہد وحید اور جسٹس مسرت ہلالی۔
گزشتہ سماعت پر سپریم کورٹ کی فل کورٹ نے تمام فریقین سے 25 ستمبر تک جواب طلب کیا تھا تاہم وفاقی حکومت نے 28 ستمبر کو اٹارنی جنرل فار پاکستان (اے جی پی) منصور عثمان اعوان کے ملک سے باہر ہونے کی وجہ سے تحریری جواب جمع کرایا۔
