گیس پائپ لائن میں دھماکہ، مختلف شہروں کو سپلائی معطل

بلوچستان کے علاقے سوئی سے کراچی جانے والی گیس پائپ لائن میں دھماکے کے نتیجے میں کراچی سمیت مختلف شہروں میں گیس کی سپلائی معطل ہو گئی۔پولیس کے مطابق سوئی سے کراچی جانے والی گیس پائپ لائن میں گاؤں غلام رسول ملک کے مقام پر پائپ لائن میں دھماکا ہوا ہے۔

پولیس حکام کا کہنا ہے پولیس اور حساس اداروں کے اہلکاروں نے جائے واقعہ پر پہنچ کر واقعے سے متعلق تفتیش شروع کر دی ہے۔حکام کے مطابق ابتدائی تحقیقات کے مطابق پائپ لائن میں دھماکا گیس پریشر کے باعث ہوا ہے تاہم واقعے سے متعلق مزید تحقیقات جاری ہیں۔