190ملین پائونڈ سکینڈل، نیب نے چیئرمین پی ٹی کو 13 جولائی کو طلب کرلیا

قومی احتساب بیورو (نیب) نے 190 ملین پاؤنڈ کے اسکینڈل میں چیئرمین پاکستان تحریک انصاف (پی ٹی آئی) عمران خان کو 13 جولائی کو طلب کرلیا ہے۔ذرائع کے مطابق چیئرمین پی ٹی آئی کو 190 ملین پاؤنڈ اسکینڈل کیس میں نیب کا نوٹس موصول ہوگیا ہے۔نیب کا نوٹس چیئرمین پی ٹی آئی کے وکیل علی اعجاز بٹر نے وصول کیا، جس کے مطابق نیب راولپنڈی نے انہیں تفتش کےلیے 13 جولائی کی دوپہر 2 بجے طلب کیا ہے۔

ذرائع کے مطابق نوٹس میں ہدایت کی گئی ہے کہ نیب پیشی کے دوران اپنے ہمراہ ملکی اور غیر ملکی جائیداد کی تفصیل لائیں۔ذرائع کے مطابق نوٹس کے ذریعے نیب نے بنی گالہ، زمان پارک کی ریونیو دستاویز جبکہ شوکت خانم ٹرسٹ کی رجسٹریشن سمیت دیگر متعلقہ دستاویز طلب کرلی ہیں۔