بسم اللہ الرحمن الرحیم

قومی

9 مئی کو پرتشدد مظاہروں کے دوران ریڈیو پاکستان پشاور سے آلات چوری کرنے والا پکڑا گیا

پشاور میں 9 مئی کو پاکستان تحریک انصاف (پی ٹی آئی) کے چیئرمین عمران خان کی گرفتاری کے بعد ہونے والے پرتشدد مظاہرے کے دوران ریڈیو پاکستان سے آلات چوری کرنے والے ملزم کو گرفتار کرلیا گیا۔پولیس حکام کے مطابق گرفتار ملزم جانی شہزاد سے قدیمی ٹیپ ریکارڈر، مائیکرو فون کیبل، 3 مائیکس اوردیگرسامان برآمد کرلیا گیا۔

پولیس کا کہنا ہے کہ ملزم کو چارسدہ سے گرفتار کیا گیا ہے اور ملزم کے خلاف تھانا شرقی پشاورمیں مقدمہ درج ہے۔پولیس نے بتایا کہ گرفتارملزم سے مزید پوچھ گچھ کا عمل جاری ہے۔خیال رہے کہ گزشتہ ماہ 10 مئی کو سابق وزیراعظم عمران خان کی گرفتاری کے موقع پر پشاور میں شرپسندوں نے ریڈیو پاکستان کی عمارت نذرآتش کردی تھی اور چاغی کے پہاڑ کا ماڈل بھی جلا دیا تھا۔

مزید پڑھیے  القادر ٹرسٹ کیس، عمران خان کے 14 روزہ ریمانڈ کی استدعا پر فیصلہ محفوظ
Back to top button