بسم اللہ الرحمن الرحیم

بین الاقوامی

جلال آباد میں چیک پوسٹ پر حملہ،3افراد جاں بحق

افغانستان کے شہر جلال آباد میں سکیورٹی چیک پوسٹ پر مسلح افراد کی جانب سے حملہ کیا گیا ہے۔

رپورٹ کے مطابق طالبان عہدیدار نے حملے کی تصدیق کی اور بتایا کہ حملے میں عام شہری جاں بحق ہوئے۔

عینی شاہدین اور سکیورٹی ذرائع نے اے ایف پی کو بتایا ہے کہ حملے میں جاں بحق ہونے والوں میں دو طالبان جنگجو بھی شامل ہیں۔ انہوں نے مزید بتایا کہ رکشہ سوار مسلح افراد نے چیک پوسٹ کو نشانہ بنایا۔

یہ صوبہ ننگرہار میں طالبان کے اہداف پر تازہ ترین حملہ ہے جو کئی سال تک دہشت گرد تنظیم داعش کا مرکزی ٹھکانہ رہا ہے۔

ایک اور واقعے میں جلال آباد میں ریموٹ کنٹرول ڈیوائس کو ناکارہ بنانے کے دوران دو طالبان جنگجو شدید زخمی ہوئے تاہم واقعے کی مزید تفصیلات سامنے نہیں آسکی ہیں۔ 

Back to top button