ملکی برآمدات میں جاری مالی سال کی پہلی سہ ماہی کے دوران 11 فیصد اضافہ

ادارہ شماریات پاکستان نے بتایا ہے کہ رواں مالی سال کی پہلی سہ ماہی کے دوران ملکی برآمدات میں گزشتہ مالی سال کی اسی مدت کے مقابلے میں تقریباً گیارہ فیصد اضافہ ہوا ہے۔

ادارے کے اعداد و شمار کے مطابق اس مدت کے دوران برآمدات آٹھ ارب ڈالر سے زائد ریکارڈ کی گئیں جبکہ گزشتہ مالی سال کی اسی مدت میں برآمدات سات ارب پچاس کروڑ ڈالر سے زیادہ تھیں۔